’
نبدا دوغري

الا على طاري القصيم قبل رمضان رحنٌا للقصيم وأخذت عمٌاني معي ابي اخذ أجرهم يسلٌمون على شيبانهم هناك والا انا رجالن رايح أخلص لي شغل في العمار من يوم ماطلعت من الرياض بـ 100 كيلو .. أشغلني ولد جدٌي ( عمي )  ماغير يتلٌفت يمين ويسار ويقول هذي ديرة فلان بن فلان .. وكل ما مشينا كيلوين قال نياق أبن وبر كانت هنا وعان هذيك هذيك عانها شفتها تراها كانت كلٌها ربيع وترعى الغنم منها مير ماش أنهجرت ذا الديرة ولا أحدن يجيها ! .. وأنا راسي أنقلب منه لاني اللي عرفت أسوق ولاني اللي راسي هدا .. اخرتها وانا أوقف عند محطٌه وقلت لهم أنزلوا أفطروا يا عمٌاني وكاد انكم جوعانين وورانا خط طويل ثمٌن يقولون إيه إيه آبن آخي عزالله أنك على أبوك نشمي قلت ايه على ابوي يوم راحوا يفطرون .. وأنا أفتح علبة خابرها معي وأطلٌع منها نص حبٌه بس وأجدعها في كاس الشاهي .. وأنا أجي وأحرك الكاس لين ذابت النصيصة , والحبوب للي يبي يسأل عنها تراها حبوب " Valium " أهق للي يبي يعرفها يبٌحث عنها في قوقل أهق المهم يوم خلٌصوا فطور وركبٌوا معي وانا أعطي ولد جدٌي كاس الشاهي وقلت له تراه بدون سكٌر وزين وعلية مرمرية قال ورا الكاس مهوب مليان ؟ قلت عشان , ماتموت وأبلش بك بالخط مير أشرب اللي بالكاس وريٌحنا يا شيخ شربٌ وعقبها بخمس دقايق الا أسمع الركود عم أرجاء السيارة رقدٌ ولد جديٌ ولاسمعت له حس الا بعد ما دخلنا بالقصيم " بريدة " أخذته وجضعته على مرتبٌة الكابرس ورا وشغلٌت ابو نايف وحطيته بأذني لين وصلت


,

كل اللي فوق مُقدٌمة ولابعد خشيٌت بالموضوع صحيح أحيان ودٌك تمسك خط وأحيان ودٌك تروٌش وأحيان وأحيان ودٌك تدهن بزيت خروع


نظام ساهر نظام قاهر
قبل أمس , وقبل ما أرقد قاعد أهوجس ! وأقول يا ولد وش ذا المحنه اللي أمتحنتنا هم وكميرتهم الله يلعن ابليسهم صدق ما امشي 100 كم على الجسر المعلق الا وطاقتني الكميرا .. وجهه موتري ووقفى موتري ووجهي ! لعنبوا بليس وش يبون بوجهي يوم يصورونه !؟ ناس تقول عشان ماتنٌكر المُخالفة وناس تقول عشان تختم صورتك بالمُخالفة , مهوب هذا الموضوع الموضوع إني رجٌال بأركب دربيل وأبي أنتفها وأريٌح العالم منها .. لعنبوها حالة أمشي على الدايري 140 كم ويوم أوصل الجسر الا أنا أربط فراااامل على 85 كم أحس وقتها إني زلابة ! ولا أقدر أخارج نفسي




لابارك الله فيك يا شركٌة فيلبس ولابارك الله في من أسسك صدق ! كاميرا للسيد الرايح وكاميرا للسيد اللي جاي , حلالاة والله بالرشاش أهق من نتٌفها وريٌح له 14.000.000 سعودي منها ياااااااوك يا هي قصٌت ظهور العالم قسايم وقسايم , علٌي الحرام أن اللي يدخل على المرور شهرياً انه ميزانية دولة من كميرات ساهر , ماغير نهب نهب نهب .. يشاركونك بالراتب وماصين دمٌك مص ,
الا بأنشدكم يالربٌع اللحين إذا كان الموتر بأسم الحرمة يجي عليها قسايم ؟ وهي ما ساقت أبوك يالحرٌة صدز !


شكل ثاني لكميرات ساهر



شكل هالكاميرا عند إشارة والله أعلٌم .. أذكر مرة يالربٌع وقفت عند إشارة وتعديت خط المشاة جاني العسكري يدق علي القزاز والله يوم دٌق القزاز إني حسيت قلبي في سروالي من الروعة لعنبوه وش يدٌق به هو ؟ نزٌلت القزاز قلت وش ذا الأصابع اللي معك يا اخوي كسٌرت القزاز أصابع ذي والا دركتن أهيب صدق ! قالي رخصتك واستمارتك ووراك متعدٌي خط الإشارة ؟ قلت ليه عساني ما أخطيت على خط الإشارة ؟ قال ايه مخطي ... قلت طيب آسفين يالخط حقك علي معليش قال تستهبل انت ؟ لبق وتعال ويوم لبٌقت , وهو يصكٌني بقسيمة الهيس بـ 300 ريال ولا ادري حقت وش !


تقوم بالليل أحياناً شبعان نوم ترقد من أول ماتجي الظهر ليييين نص الليول , تقوم تختخت بالمطبخ وتشوف وش فيه , مالقيت البارح الا جبن ومربى وانا نفسي بتبوٌلة وبابا غنوج
أخذت صامولي وكاس جبن وسكين وملعقة وحبٌة ميرندا وأنا أطلع فوق , وأقعد أهقصهن قدٌام اللاب توب , لقيت صور وحاجات زينة بعضها زين وبعضها مخيس , بس لزوم التجميٌع أهق

بعض الناس على نياته بالحيل ويحسب انه اذا خط حبر على ورق جاه اللي أنسرق منه
ناظروا معي




هههههههههههههههههههه الله يلٌعن إبليسها صدق والله إن الشرطة بتاخذ البصمات , وأنا بأرتاع ويطيح قلبي وبأرجع الجوٌال للوكل 45 أهق هذا مثل واحد ايام الجامعة غبي سرق من واحد من خوياي جوالٌه وخلى بوكه فيه 1500 ريال , صدق انه حمار خلى البوك اللي فيه ألف وخمس ! وأخذ الجول أبو 800 ريال أهق .. خويي ذاك اليوم مازعل ! قال حرامي حمار اجل مافتش البوك



الضبٌان ,
يالضب الأصفر على القوم ملتاع ,,, يا كم واحد من طعمك يلوعي
يا كم واحد يدوٌرك في يوم وإرباع ,,, ويا كم واحد يمزمزٌ فيك الضلوعي
يا كم واحد لا مسك .... يرتاع ,,,, ويا كم خكٌري قام ياي ... ومخروعي
الرجٌال رجٌال في شمس وإشعاع ,,,, يدوٌرك دوران في يوم ....... الربوعي

هذي اللي فوق تعبيري عن حُبي للضب وكيف أحب أمزمز عكرته تمزمز والله ياللي يذوق طعمك يالضب لينسى التيس والدجاج ,, ولايكرم ضيفانه الا ضب بكحل وحجاج ,, ولا يكٌرم الدجاج الا بالدجاج حلٌ موسمك يالضب , والصمٌان حان طاريها الا ياليتك يالزلٌفي تدرين , وتعطيني من خيرك وتعطين .. بس أبي منك كلها ضبين .. وتعطيني من الزاد والمشروب

موسم الضبٌان حلٌ .. وجا واللي مايروح غلطان غرفتن مليانة كلٌها ضبان , مع سيب وش كبٌرة

 

المصارية

مصر دولة عريقة , فيها الزين والشين ..  أهق

مناخها حار جداً صيفاً , وبارد جاف غير ممطر شتاء ً الله يدفع البلا !

شوفوا الصوٌرة



عسكري مصري

قاعد يصوٌر سايحة أمريكية جاية تشوف الأهرامات وحشٌروها العسكر انتي وش جايبك هنا ووش تبين ؟ ووش ذا اللبس ياللي ماتستحين ؟
المهم لعبٌوا عليها , وقالوا لها نبي نصوٌرك مع ذا الأهرامات .. وهي مخفٌه ما صدقت خبر !
الصورة الأولى للوجه الصورة الثانية للعسكري معها .. وهه وهه لين وصلٌوا تحت


المهندسين ,

بعض المهندسين والمخططين تحبٌهم من تخطيطهم بس بعضهم ودٌك تفصخ زبيرية ولد جدي المغبٌرة اللي كلها دمن غنم وبعارين وتلٌزخة بها على وجهه أهق
حاط شي وشي ! , لا هي حول ولا هي حول ! شي يهوٌل القلب ويخلٌي الواحد مهوب عاقل ويصير مثل خويٌنا المصري هاللي فوق




الناس تبي تطلٌع تستغفر وتعوذ من ابليس وهذا حاط لي محل تماثيل بلبس زلط ملط ! لا واسم المحل قشطة .. يحرٌك الدم صراحة مير الرجٌال اللي واقف مهوب لم شي قاعد يسكٌر سحاب سروالة
لكن لو انه سعودي إياً كان عمرة كان تلقا عيونه مبققة في ذا اللي لابسة ليلكي


صورة ثانية لكن ألعن شوي من هاللي فوق ,



كلٌ الألوان قدٌامك ! يا اخي بالله كيف تبي تخشع ؟ لعنبوا بليس قلٌت الأماكن تصلٌون هنا ؟ أهق الله أعلم بصلاتكم أهق لايفوتكم يالربٌع اللي على اليمين رافعن راسة وشكلة شايف له شوفة عاد الخوال بذا الأمور ما ينقال لهم أزحف وراك والله لياكل الأخضر واليابس أهق


الرياضة والرياضيين

تذكرون لعب السعوديٌة عام 94 والله يا كانوا يفتٌون فت .. سعيد العويران اللي خقٌت عليه ليلى علوي يوم جاب الهدف الخرافي أهق أعقب يالخال ما أزين حظك دق الكورة .. ويعدي ويعدي ويعدي لين وصل الحارس .. ويطقها لينها في الباب ! والله يا شكلها داعية له أمه ذيك الايام , ومن حسن حظٌه ان ليلى علي كانت ذاك اليوم تاكية بشقتها تقشم حب وتشرب أزوزه وتتابع مباراة السعوديٌة وبنت علوي تخق على اي احد لو لونه أزرق ماعندها مشكلة بس أنها عجٌزت اللحين وانتفخت مع كل محل .. ولاتنبغى بريال !




الصورة مالها دخل في تعليقي فوق , بس نرجٌع لإيام قبل .. يا سبحان الله بس الناس كل ماتقدم السنين تطوٌر الا حنا .. تطوٌرنا راح وولى وأكله الدود .. أجل عام 94 أزين من لعبنا اللحين ؟
لعنبوها حالة ( وجه يبي يصيٌح ) .. زين اننا ما تأهلنا كاس العالم والا مال أمٌها سنع يجون ديوك الألمان ويطقون فينا ثمان بيضات أهق نقول إن شاء الله انها خيرة عشان ماتجينا 16 بيضة , بطوٌنا تشققت أهق سامي الجابر ايام ما كان شنبه كأنه مسطرة العقيلي ناقصة بس يحدٌد السناتيات ويضبط كل شي ولا وشورته لابس لي شورت للركبة هو ووجهه
يقٌاله مزيون ! ومايبي يفتن الحريٌم , آه يا سامي ماحسدتك الا على وقود السعودية يوم عطوك تعبئة مجٌانية لسيارتك لمدة 20 سنة يوم أعتزالك علٌي الحرام لو يعطوٌني اللي عطوك من بنزين لأروح للبحر المتوٌسط على موتري



براءة الورعان

بعض الورعان لاقام يعبٌر يجيب الطٌعة ويطيح لك بحاجات مالها مخرٌاج أبد والله !
وخصوصاً لا قام يتفنن باللغة العربيٌة ويضيف لك حاجات , ويسوٌي نفسة نبيل نقشبندي
طُلب ذاك اليوم من البزران في الإبتداية أن يردٌعوا بزراً يلعبُ بالعربيٌة
أنظروا ماذا قال إيها القوم



راح له ونصحة ! , وأخذه لمركز الشرطة وودٌاهم المحامي حقٌهم للمحكمة وحكمٌوا على الولد بالإعدٌام وأعدٌموه قدٌامه هههههه أهيب يا كبرها كبرررراه صدق وراح يبكي الولد ويصرخ ُ صراخن شديداً .. وركب السيٌارة وهو يبكي ثم صدٌموا أكييييد أن الولد دعا عليك ياولد مزنة أهق
ودقات قلبه تدق بسرعة شديدة ههههههههههههههههههههههههههههههه الله يلٌعن إبليس ذا البزر ويا زين تعبيٌرة هههههههه والله يا اني ضحكت منه وجوه زوار آخر شي هههههههههههههه
مافيه صورة ضحكتٌني بالنت كثر هذي الله يسعده ذا الورع وين ما كان




الله يا زين الدعا أكبر همٌها تزوٌج أختها ويجي لها بزران وتصير خاله وتحس نفسها صارت كبيٌرة وخلاص وبس أقصد أهق
هذي الرسايل اللي توسٌع الصدر .. مهوب واحد من أخواني يرسل ياكلب جب لي عشا معك
هنا رومنسيٌة .. هنا فيه كلمة أحبك موت , مع مغط عشرين واو مهوب واحد ماعنده من الذرابة كبر أصبع يدي الصغيٌر وياااااااا ... جب عشا



البنيٌات ينشدن بعضهن تحبين تشوفين دموع التماسيح ؟ لعنبوا قرادة الحظ محقرين بنا ! ومسميٌنا تماسيح يعني دموع تمساح سعودي , صارت شبهه مستحيلة مع هذا المناخ الصحراوي
يعني درجة الحرارة امس 48 درجة مؤية ! تبين تشوفين دموع تمساح سعودي ؟ لا يا أوختي مستحيل أبداً سعودي يبكي من رومنسيٌة وتسذا .. تلقٌونه مكشر أنيابه أهبوووا هبييييت





وهنا قلب يقطٌر موية يصب صبٌ وبين أقواس .. نعم او لا الأوراق هذي والله ما أذكر منٌها الا بالرحلة في المدرسة اذا بغوا يروحون استراحات والا شي .. بس كلوو كوم وبراءة البنيٌة الصغيرونه كوم ثانية .. بس دموع تمساح ! مستحييل وشيليها من راسك أهق



على طاري رحلات المدارس .. أذكر مرة وانا ثاني ابتدائي جاتنا رحلة لإستراحة وكذا وسباحة للمدرسة وانا متشقق أبي اروح وقلت يا ولد !؟ والله أبوي مايخلٌيني أروح وأنا أكلم ناصر واحد من خوياي الله يذكرة بالخير .. وقلت له تكفى عط الأوراق ابوك حقتي وحقتٌك وخلٌه يوقعهن كلٌهن بالموافقة .. جاني من بكرة الدلخ ! وورقتي وورقته موقعة غير موافق .. وأنا أسطٌرة بالفصل أقول أبوك وش دخلٌه فيني !!!؟ يوم يكتب لي غير موافق ؟ قال انت معطيني الأوراق وأسطٌرة أصص وانا أقعد على الماصة طاقتني الحسوفة وراحت الرحلٌة باللي فيها ,


صورة توضٌح المعنى




هذا يكلٌم ابوه من بأسلوب عاطفي يا ابوي لو تحبٌني .. قطٌعت قلب أبوك يا عيون أمك أنت
هههههههههه وكاتب له الله يدخلٌك الجنه ( امين يارب العالمين ) قسم بالله يقطٌر براءة ذا البزر انا لو أني من أبوه والله لأعطيه ميٌة ريال أخلية ينبسط بها ويستانس .. مستحين من أبوه وكاتب له هالوريقة وهو نايم أهق  


:
:
:

حقوق النسخ كلٌها محفوظة وكلمة " أهق " أنتشرت انتشار واسع في الشبكة العنكبوتية

الأهق فقط حصريٌة لبعض المنتديات وقروب نواف بيك   وعزوبي لثنين موش لثلاثة لكواليس
أجل وش يحس به ذا ! <


صورة .. لفتاة أنتحلت شخصيٌة عزوبي حتى كتاب دلاختها والعقد



وصلت مواصيل الأهق هذي بسم الله علينا بس بإنتحال شخصيٌة ونسبها لنفس البنت ! هذا الكلام اللي مانبيه !



في نهاية هذا الموضوع .. أشكركم من عروق قلبي

وكل عام وانتم بخير , وعيدكم مبارك يالحبايب

وسٌع صدرك , عزوبي ..